Қазақстан кәсіпкерлерінің құқықтарын қорғау жөніндегі уәкілдің блогы Сіздердің маған тікелей шығуға мүмкіндіктеріңіз болуы үшін құрылды және де ол біздің арамызда сындарлы сұхбаттастық орнауына ықпал етеді деп сенемін - ойларыңызды жазыңыздар, пікір бөлісіңіздер, ұсыныс жасаңыздар. Мен сіздердің барлық пікірлеріңізді міндетті түрде оқимын.
05.03.2026
Құрметті ханымдар!
64
Сіздерді Халықаралық әйелдер күні мерекесімен шын жүректен құттықтаймын!
8 наурыз күні әйелдердің еңбек ету құқығы үшін күрестен бастау алып, уақыт өте келе әйелдердің мәдениетке, саясатқа және экономикаға қосқан үлесіне деген құрмет пен азат ету символына айналды.
Бүгінде Қазақстанда 1 миллионнан астам әйел кәсіпкер бар және әйел-көшбасшылардың жаңа буыны белсенді қалыптасып келеді. 2025 жылы еліміз әйелдердің экономикалық белсенділігі деңгейі бойынша әлемнің үздік 30 мемлекетінің қатарына енді. Қазіргі таңда әйелдер шағын және орта бизнес субъектілерінің шамамен жартысын басқарады. Әйелдер тұрақты әрі технологиялық кәсіпорындарды барған сайын көбірек құрып келеді.
Сіздердің жасампаз энергияларыңыз іскерлік ортаны өзгертіп, басқаруға эмпатия, стратегияға тұрақтылық және шешім қабылдауға креативтілік әкелді. Тепе-теңдік пен ұзақ мерзімді көзқарасқа интуитивті түрде мән беретін әйелдік тәсіл бүгінде бәсекелік артықшылыққа айналуда.
Мен әйелдер кәсіпкерлігінің мүдделерін қолдаймын және инклюзивті бизнес ортаны қалыптастыруға әрі қарай да ықпал етемін.
Сіздерге бизнесте табыс, өмірде махаббат тілеймін!
Құрметпен, Қанат Нұров
