Бүгін Алматы облысы мен Жетісу облысының кәсіпкерлері Қазақстан Республикасының кәсіпкерлердің құқықтарын қорғау жөніндегі уәкілі Қанат Нұровпен кездесті.

Кездесуге облыстардың мемлекеттік органдары мен бизнес-қоғамдастық өкілдері қатысты. 

Шараның басты мақсаты – бизнес пен билік арасындағы ашық диалог орнатып, кәсіпкерлердің өзекті мәселелерін талқылау.

Модератор атап өткендей, Президент Жолдауында айтылғандай, мұндай конструктивті кездесулер елдің тұрақты экономикалық дамуының маңызды бөлігі болып табылады. 

Кездесу барысында кәсіпкерлер жер қатынастары, құрылыс, құқық қорғау органдарының әрекеттері, білім беру саласын реттеу және экологиялық талаптар сияқты нақты мәселелерді көтерді.

Әрбір сұрақ бойынша тиісті мемлекеттік органдар түсініктеме беріп, шешу жолдарын ұсынды. 

Іс-шараға қатысқан бизнес өкілдері өз пікірлерін білдіріп, мемлекеттік органдармен өзара тиімді ынтымақтастық орнатудың маңыздылығын атап өтті. 

Алматы облысының әкімі Марат Сұлтанғазиев өңірдің инвестициялық тартымдылығын арттыруға бағытталған шаралар туралы айтты.

Ал кәсіпкерлердің құқықтарын қорғау жөніндегі уәкіл Қанат Нұров бизнес үшін әділ және ашық орта қалыптастырудың маңыздылығын атап өтті. 

Бүгінгі кездесу – бизнес пен билік арасындағы серіктестікті нығайту жолындағы нақты қадам болды.