Отырысқа Ұлттық экономика министрі Әлібек Қуантыров, «Атамекен» ҰКП Төралқа Төрағасы Райымбек Баталов, сондай-ақ Қаржы министрлігінің және Экономикалық зерттеу институтының өкілдері қатысты.

Кездесу барысында салық заңнамасын, Кәсіпкерлік кодексін, мемлекеттік қолдау жүйелерін және басқа да шараларды жетілдіру арқылы орта бизнесті дамыту тәсілдері талқыланды.

Министр әзірленген шаралар бизнесті айналымды арттыруға, шағын кәсіпорындарды іріленуге ынталандыруы керек екенін айтып өтті. ШОБ-ты дамыту бойынша жаңа тәсілдер бүгінгі таңдағы талаптарға сай болуы тиіс және бизнестің жүйелі проблемаларын шешуге ықпал етуі керек. Ұсынылған тәсілдер пысықталады.

«Өңірлік және салалық ерекшеліктерді ескере отырып, кәсіпкерлікті дамыту үшін өңірлік деңгейде бизнесті дамытудың салалық бағдарламаларын әзірлеу қажет», - деді Райымбек Баталов.

Орта кәсіпорындар еліміздің экономикасын дамытуда маңызды рөл атқарады. 2022 жылдың қорытындысы бойынша орта кәсіпкерлік субъектілері 9,7 трлн. теңгеге өнім шығарды.

Ақпарат көзі: Қазақстан Республикасының Ұлттық экономика министрлігі