Жаңалықтар

19.03.2021

Заңгерлер назарына

108

Құрметті заңгерлер,

КӘСІБИ МАМАНДАР!

Ағымдағы жылдың 1 шілдесінен бастап әкімшілік сот ісін жүргізудің жаңа түрі енгізіледі.

Оның басты міндеті - азаматтар мен кәсіпкерлердің құқығын және заңды мүддесін қорғау.

Бірінші саты ережелері бойынша 21 жаңа сот іске қосылады.

Облыстық соттарда және Жоғарғы Сотта жаңа сот алқалары құрылатын болады.

Олардың қызметін өткен жылы қабылданған Әкімшілік рәсімдік-процестік кодексі регламенттейді.

Бұл мемлекеттік және әкімшілік органдарға қойылатын талаптар бойынша сот ісін жүргізудің мүлдем жаңа нысаны.

Елдің бизнес-қоғамдастығы түгелімен осы дауларды заңды, сапалы және бейтарап шешуге мүдделі болып отыр.

Елбасы мен Мемлекет басшысы судьялар корпусын, әсіресе, салық, кеден, жер қойнауын пайдалану, зияткерлік меншік, корпоративтік құқық және т. б. салаларда лайықты мамандармен толықтыруға бірнеше рет шақырған болатын.

Енді судья мамандығына апарар есікті айқара ашатын бірегей шарт жасалды: аудандық, облыстық және жоғарғы соттарға үміткерлер үшін судьялық өтілдің болуы туралы талап алынып тасталды.

Осыған байланысты корпоративтік сектордың заңгерлерін, яғни құқық саласында терең білімі бар, жоғары моральдық-адамгершілік құндылықтарды ұстанатын, сот төрелігін іске асыру бойынша миссияны лайықты атқаруға қабілетті заңгерлерді Жоғары Сот Кеңесінің судьялық лауазымына орналасу конкурсына қатысуға шақырамыз.

Біз судьялық догмалар мен стереотиптерден ада, ойлау парадигмасы бар мықты заңгерлер судья бола отырып, сот төрелігін сапалы жаңа деңгейге шығаруға көмектесетініне сенімдіміз.

Заңгерлерге сәттілік тілейміз!

 

"Атамекен" ҰКП                                                                              Бизнес-Омбудсмен

«...Отандық бизнесті барынша қолдау керек. Ал оның дамуына негізсіз тексерулермен, ақша жинаумен, рейдерлікпен кедергі келтіретіндерді қатаң жазалау қажет...»

Мемлекет басшысы Қ. Тоқаевтың Үкіметтің кеңейтілген отырысында сөйлеген сөзі,
15 шілде 2019 ж.

Жүрсінов Р.М.

ҚР кәсіпкерлерінің құқықтарын қорғау жөніндегі уәкіл

Қазақстан кәсіпкерлерінің құқықтарын қорғау жөніндегі уәкілдің блогы Сіздердің маған тікелей шығуға мүмкіндіктеріңіз болуы үшін құрылды және де ол біздің арамызда сындарлы сұхбаттастық орнауына ықпал етеді деп сенемін - ойларыңызды жазыңыздар, пікір бөлісіңіздер, ұсыныс жасаңыздар. Мен сіздердің барлық пікірлеріңізді міндетті түрде оқимын.

Серіктестер

«Атамекен» ҚР Ұлттық кәсіпкерлер палатасы
Қазақстан Республикасының Бас прокуратурасы
service.pravstat.kz
www.e-gov.kz
Қазақстан Республикасы нормативтік құқықтық актілерінің ақпараттық-құқықтық жүйесі