Қазақстан кәсіпкерлерінің құқықтарын қорғау жөніндегі уәкілдің блогы Сіздердің маған тікелей шығуға мүмкіндіктеріңіз болуы үшін құрылды және де ол біздің арамызда сындарлы сұхбаттастық орнауына ықпал етеді деп сенемін - ойларыңызды жазыңыздар, пікір бөлісіңіздер, ұсыныс жасаңыздар. Мен сіздердің барлық пікірлеріңізді міндетті түрде оқимын.
16.09.2019
Грузияның бизнес-омбудсмені Қазақстанмен және Өзбекстанмен байланыс орнатпақ ниетте
1239
11 қазанда Тбилисиде өтетін «Шығыс Еуропа мен Орталық Азияда тұрақты бизнес үшін қолайлы жағдай жасау» атты халықаралық бизнес-конференция аясында Грузияның бизнес-омбудсмені Ираклий Леквинадзе Қазақстан, Өзбекстан және Польшадағы әріптестерімен ынтымақтастық туралы меморандумға қол қоймақ ниетте.
Грузия бизнес-омбудсмені кеңсесінің ақпаратына сәйкес, құжаттарға қол қоюдың басты мақсаты «грузин бизнесінің сыртқы нарықтағы мүдделерін қорғаудағы агенттіктің рөлін күшейту» болып табылады.
Форум барысында оның қатысушылары - Польша, Украина, Қазақстан және Өзбекстанның бизнес-омбудсмендері бизнестің құқықтарын қорғау тетіктері мен бизнес секторын дамытудағы корпоративтік жауапкершіліктің маңыздылығы туралы мәселені талқылайтындықтары белгілі болды. Іс-шарада Грузияның бизнес-омбудсмені Ираклий Леквинадзе, Қазақстанның бизнес-омбудсмені Болат Палымбетов, Өзбекстанның бизнес-омбудсмені Дилмурод Касимов, Польшадағы шағын және орта бизнес омбудсмені Адам Абрамович және Украинаның бизнес-омбудсменінің орынбасары Татьяна Коротко сөз сөйлейді деп күтілуде.
