Қазақстан Парламенті тиісті заң жобасын мақұлдады, деп жазады Kursiv.kz.

Сенат депутаттары Қазақстан мен Ресей Федерациясының үкіметтері арасындағы шекара маңындағы аумақтардың тұрғындарының қазақстан-ресей шекарасын кесіп өту тәртібі туралы келісімге өзгерістер енгізу туралы хаттаманы ратификациялады.

"Құжат шекарадан өту тәртібін жеңілдетуге бағытталған. Ол жеке куәлік пен мекенжай анықтамасы бойынша шекарадан өтуге мүмкіндік береді. Бұған дейін өткізу пункттерінде жеке куәлік немесе паспорт, сондай-ақ азаматтарды тіркеу кітабынан үзінді көшірме талап етілетін еді. Біздің еліміздің шекаралас өңірлерінің көптеген тұрғындары үшін Ресейдің аудан және облыс орталықтары (географиялық орналасуы бойынша. - "Курсив") Қазақстанның аудан немесе облыс орталықтарына қарағанда жақын. Сондай-ақ туыстар, жақын адамдар мен көршілер арасындағы адами қарым-қатынасты да ұмыт қалдыруға болмайды", - деді Сыртқы істер министрінің орынбасары Марат Сыздықов.

Оның мәліметінше, бүгінде Ресеймен екі арада 51 ресми бақылау-өткізу пункті бар, олардың 30-ы автомобиль жолы, 20-сы темір жол және бір өзен арқылы өтетін су жолы бар.

Сонымен қатар, заң жобасында шекара маңындағы аймақтардың тұрғындары үшін 105 шекарадан өту орны көзделген. Вице-министрдің мәліметінше, бір тәулік ішінде аталған орындарды мыңдаған тұрғын кесіп өтеді.

Спикер 2006 жылы екі елдің шекара маңындағы аумақтары тұрғындарының қазақстан-ресей мемлекеттік шекарасын кесіп өту туралы үкіметаралық келісімге қол қойылғанын еске салды.

Алайда кейінірек, ҚР ішкі заңнамасының өзгеруіне байланысты, атап  айтқанда азаматтарды тіркеу кітабының күшін жойып, мекенжай анықтамасын енгізуге байланысты аталған келісімге өзгерістер енгізу қажеттілігі туындады....

Мадина Мамырханова

Толығырақ: https://kursiv.kz/news/vlast-i-biznes/2019-09/poryadok-peresecheniya-kazakhstansko-rossiyskoy-granicy-izmenitsya