Астана қаласының әкімі
Ж.М. Қасымбекке

Көшірме: «ELORDA ECO SYSTEM»
ШЖҚ МКК 

Құрметті Жеңіс Махмұдұлы! 

Сізге бизнес субъектілерінің құқықтары мен заңды мүдделерін қорғауды қамтамасыз етуге жүйелі түрде көңіл бөліп келе жатқаныңыз үшін шынайы алғысымды білдіремін. Сіздің заманауи тәсілдеріңіз бен жұмыс әдістеріңіз жаңа, әділетті Қазақстанның мәнін айқын көрсетеді деп есептеймін.

Маған «BUILT CONSTRUCTION» ЖШС-нен өтініш келіп түсті, онда кәсіпкерлік қызметті жүзеге асыруға кедергі келтіру фактілері көрсетілген. Қазіргі уақытта серіктестік коммерциялық объектінің құрылысын жүргізуде. Құрылысты аяқтау және объектіні кейіннен пайдалануға беру үшін орталықтандырылған су бұру жүйесіне қосылу қажет.

Берілген техникалық шарттарға сәйкес объектіні инженерлік желілерге қосудың барлық ықтимал нұсқалары пысықталған. Бұрын желілерді тарту үшін көзделген дәліз қазіргі уақытта қолданыстағы инженерлік коммуникациялармен толықтай бос емес, бұл қосымша желілерді орналастыру мүмкіндігін жоққа шығарады.

Осыған байланысты объектіні қосудың жалғыз техникалық мүмкін нұсқасы — «Elorda Eco System» ШЖҚ МКК аумағының қоршауы бойымен көлденең бағытталған бұрғылау әдісімен, яғни көлденең тесу тәсілімен кәріз желісін тарту болып табылады.

Аталған жұмыс жүргізу тәсілі ашық жер қазу жұмыстарын жүргізуді көздемейді, қолданыстағы абаттандыруды бұзбайды, кәсіпорынның өндірістік қызметіне әсер етпейді және қолданыстағы құрылыс және техникалық нормалардың талаптары сақталған жағдайда инженерлік инфрақұрылымның сақталуын қамтамасыз етеді. 

Алайда, жоғарыда көрсетілген мән-жайларға қарамастан, «Elorda Eco System» ШЖҚ МКК аталған жұмыстарды жүргізуді келісуден бас тартқан, ал объектіні қосудың баламалы техникалық шешімдері жоқ.

Қалыптасқан жағдай құрылысты аяқтауға, объектіні пайдалануға беруге, инвестициялық жобаны іске асыруға және кәсіпкерлік қызметті жүзеге асыруға іс жүзінде кедергі келтіреді. Бұл инвестор үшін де, салық түріндегі түсімдерден айырылатын мемлекет үшін де елеулі қаржылық шығындарға әкеп соғады.

Жоғарыда баяндалғанды ескере отырып, Сізден уәкілетті мемлекеттік органдарға «Elorda Eco System» ШЖҚ МКК-мен бірлесіп қалыптасқан жағдайды жан-жақты қарауды, сондай-ақ объектіні орталықтандырылған су бұру жүйесіне қосуды қамтамасыз етуге мүмкіндік беретін ымыралы шешім әзірлеу үшін барлық мүдделі тараптардың қатысуымен жұмыс кеңесін ұйымдастыруды тапсыруыңызды сұраймыз.

Инвестициялық жобаны іске асыру үшін қолайлы жағдай жасауға және кәсіпкерлік субъектісінің заңды мүдделерін қорғауға жәрдемдесетініңізге сенім білдіреміз. 

Құрметпен,
Қазақстан кәсіпкерлерінің құқықтарын
қорғау жөніндегі уәкіл
Қ. Нұров