Қазақстан кәсіпкерлерінің құқықтарын қорғау жөніндегі уәкілдің блогы Сіздердің маған тікелей шығуға мүмкіндіктеріңіз болуы үшін құрылды және де ол біздің арамызда сындарлы сұхбаттастық орнауына ықпал етеді деп сенемін - ойларыңызды жазыңыздар, пікір бөлісіңіздер, ұсыныс жасаңыздар. Мен сіздердің барлық пікірлеріңізді міндетті түрде оқимын.
Тоқаев бизнесті дамытуға кедергі келтіретін шенеуніктерге қатысты жазаны күшейтуді тапсырды
ҚР Президенті Қасым-Жомарт Тоқаев бизнесті дамытуға кедергі тудыратын шенеуніктерге қатысты жазаны күшейтуді тапсырды. Бұл туралы ҚР Үкіметінің кеңейтілген отырысында мәлім болды, деп хабарлайды Kazpravda.kz тілшісі.
"Сіздер менің ұстанымымды білесіздер – отандық бизнесті барынша қолдау керек. Ал оның дамуына негізсіз тексерулер, алым-салықтар, рейдерлік арқылы кедергі келтіргендер қатаң жазалануы керек", – деді Тоқаев.
Президенттің айтуынша, Қазақстанда бизнеске кедергі тудыруға бағытталған мемлекеттік органдардың өкілдерінің әрекеті үшін жауапкершілікті күшейту керек.
"Заңнамаларда қылмыстық қудалауға дейінгі қатаң шараларды қарастыру қажет. Бизнестің дамуына кедергі келтіретін шенеуніктерге қатысты бас бостандығынан айыруға дейінгі қатаң жазалау шараларын қолдану қажет. Үкіметке заңнамаға тиісті өзгертулер енгізуді тапсырамын", – деп тапсырды Мемлекет басшысы.
Екатерина Елисеева